Jıynǵa QR Bas Prokýrorynyń keńesshisi – aǵa kómekshisi Nurgúl Qaraǵoıshına, QR Qarýly kúshteri Bas shtaby Tárbıe jáne ıdeologııalyq jumystar departamentiniń bastyǵy – Qaısar Muǵalov, QR Ishki ister mınıstrligi Memlekettik til jáne departamentiniń dırektory Almas Sadýbaev, Sybaılas jemqorlyqqa qarsy is-qımyl Ulttyq bıýrosy Ákimshilik quqyq departamentiniń basqarma bastyǵy Qýanysh Myrzaǵalı qatysty.
Atalmysh baıqaýǵa – Bas prokýratýra, Ulttyq qaýipsizdik komıteti, Ishki ister mınıstrligi, Qorǵanys mınıstrligi, Memlekettik qyzmet isteri jáne sybaılas jemqorlyqqa qarsy is-qımyl agenttigi, Memlekettik kúzet qyzmeti ókilderinen qurylǵan 6 komanda qatysatynyn atap ótken jón.
«Saıysqa qatysatyn komandalar 2 aınalym boıynsha saıysqa túsedi. Onyń birinshisi - memlekettik organnyń qyzmeti jáne rýhanı jańǵyrý aıasyndaǵy atqarylyp jatqan naqty isterge negizdelgen tanystyrý men beınebaıan syndy eki bólimnen tursa, al ekinshisi – «Rýhanı jańǵyrý – patrıotızm negizi» atty sahnalandyrylǵan kórinisten turady. Jeńimpazdardy qoǵam qaıratkeri Myrzataı Jroldasbekov bastaǵan qazylar alqasy anyqtaıdy», dedi Nurgúl Qaraǵoıshına.
Raýan QAIDAR,
«Egemen Qazaqstan».
